-100 слімакоў,
-1 літр белага віна,
-200 г трохпрацэнтнага воцату,
-3 ст. лыжкі мукі,
-2 морквы,
-2 буйных галоўкі цыбулі,
-пятрушка,
-лаўровы ліст,
-цім’ян,
-соль,
-800 г слівачнага масла.
Падрыхтаваных слімакоў пакласці ў рондаль, заліць халоднай вадой, давесці да кіпення і кіпяціць 5 - 6 хвілін. Спаласнуць іх халоднай вадой, абсушыць чыстай анучкай або ручніком, кравецкай іголкай выняць слімака з хаткі (у Францыі для гэтага ёсць адмысловая "прылада працы", яна нагадвае кравецкую шпільку) і адрэзаць у яе чорны кончык. Вычышчаных такім чынам слімакоў зноў прамыць і пакласці ў рондаль, заліў белым сухім віном і такой жа колькасцю вады так, каб усе слімакі былі пакрытыя вадкасцю. Дадаць 2 нарэзаныя морквы, нарэзаныя цыбуліны, чабор, корань пятрушкі, галінку салеры, зялёную цыбулю. Пасаліць з разліку 10 г на літр і варыць на працягу 4 гадзін. Затым зняць з агню і пакінуць астуджацца ў гэтым булёне. Пакуль слімакі варацца, вымыць і пракіпяціць ракавінкі ў содавай вадзе. Затым прамыць іх чыстай вадой і абсушыць. Слімаковы алей: нарэзаць вельмі дробна (можна нацерці на тарцы) 100 г цыбулі, 3 буйных зубчыка часныку, дадаць 80 г нарэзанай пятрушкі, 25 г солі, 5 г молатага перцу, 700 г сметанковага масла мяккага, але не растопленага. Добранька ўсё размяшаць у місцы. На дно ракавіны пакласці арэшак прыгатаванага масла, затым - слімака, накрыць зверху добрай порцыяй таго ж масла. Выкласці нафаршырованыя ракавінкі маслам уверх на талерку і перад падачай паставіць іх у гарачую духоўку на 7-8 хвілін. Шыпячую духмяную страву падаваць неадкладна.
|