-гусіныя трыбухі - 2.8 кг

-морква – 100 г

-пятрушка – 80 г

-салера – 60 г

-зялёны перац – 100 г

-памідоры – 50 г

-лусканы зялёны гарошак – 150 г

-соль - па густу

-шмалец – 140 г

- цыбуля рэпчатая - 30 г

-молаты чорны перац - па густу

-маяран - па густу

-грыбы – 100 г

-зеляніна пятрушкі - па густу

-рыс – 360 г

-гусіная пячонка – 300 г

-мука -30 г.

Гусіныя галовы, страўнікі, крылы і шыйкі старанна ачысціць,

з лапак зняць тоўстую скуру, адрэзаць кіпцюры.

Кожную з гэтых частак разрэзаць напалову.

Вычышчаную гародніну нарэзаць саломкай, зялёны перац

і памідоры нарэзаць кубікамі,

зялёны гарошак адварыць да мяккасці ў падсоленай вадзе.

Дробна нарэзаную цыбулю абсмажыць у шмальцу,

дадаць гародніну (акрамя гарошку, перцу і памідораў) і падрумяніць іх.

Затым пакласці ў гародніну падрыхтаваныя трыбухі,

заправіць соллю, перцам і маяранам

і тушыць пад вечкам у вельмі невялікай колькасці вады.

Пакуль трыбухі тушацца, падсмажыць на шмальцу нарэзаныя долькамі

грыбы, запраўленыя соллю, перцам і дробна нарэзанай зелянінай

пятрушкі, не памешваючы іх, а бесперапынна патрэсваючы патэльню.

У асобным рондалі абсмажыць у шмальцу рыс.

Калі трыбухі будуць напалову гатовыя, выпарыць з іх усю вадкасць,

усыпаць рыс, заліць вадой ці касцяным булёнам (аб'ём вадкасці

павінен быць удвая больш, чым аб'ём трыбухоў і рысу), дадаць

смажаныя грыбы, зялёны гарошак, перац і памідоры, перамяшаць,

даць закіпець і паставіць у духоўку тушыцца пад вечкам

на ўмераным агні да гатовасці (каля 20 хвілін).

За гэты час гусіную пячонку нарэзаць на 6 лустачак, пасаліць,

паперчыць, абкачаць у муце

і абсмажыць у невялікай колькасці шмальца.

Пры падачы пакласці на талерку трыбухі з рысам,

упрыгожыць лустачкамі пячонкі,

рыс паліць пакінутым ад смажання пячонкі тлушчам.

Асобна падаць цёрты сыр і таматавы соус ці саленне.

Вугорскае паняцце "трыбухі" складаецца не толькі з ўнутранасцяў,

але і галавы, шыйкі, лапак, крыльцаў і спінкі, г.зн. ўсё,

акрамя грудкі і ножак.