(на 4 порцыі)

- 300 г свежага балгарскага перцу

- 1 зубчык часныку

- 2 ст. л. цытрынавага соку

- 2 ст. л. алею

- 2 ст. л. кедравых арэшкаў

- 4 паляндвіцы трэскі без скуры

- белы перац,

- соль

Балгарскі перац вызваліць ад насення і пладаножкі, нарэзаць тонкімі

палоскамі. Часнык расцерці ў пюрэ, змяшаць з алеем і цытрынавым

сокам. Балгарскі перац заліць атрыманым марынадам і пакінуць на

10 хвілін пры пакаёвай тэмпературы. Вогнетрывалую форму

вышмараваць маслам. Выкласці рыбу, заправіць соллю і перцам.

Балгарскі перац выняць з марынаду, адкінуць на друшляк і даць

злёгку сцячы, а затым раўнамерна размеркаваць па-над рыбай.

Закрыць зверху фальгой, зрабіць некалькі праколаў і запякаць у

духоўцы да гатовасці. Пакуль рыхтуецца рыба, абсмажыць

кедравыя арэхі ў сухой патэльні без масла на сярэднім агні,

часта падтрасаючы, каб не папрыгаралі. Пасыпаць рыбу арэхамі

перад падачай на стол.