На 1 кг айвы (вычышчанай ад насенных скрыначак):

-400 г цукру,

-1 шклянка вады,

-1 невялікая цытрына,

-1 пакуначак ваніліну (1 г),

-жменя грэцкіх арэхаў

Айву вымыць, разрэзаць на 4 часці, выразаць насенне і парэзаць долькамі. У эмаляваным рондалі давесці да кіпення ваду з цукрам. У кіпячы сіроп усыпаць айву і варыць 5 хвілін.

Зняць з агню і пакінуць на 12 гадзін. Другі раз варэнне давесці да кіпення і праварыць 5 хвілін. Ізноў астудзіць і пакінуць на 12 гадзін.

На трэці раз варэнне давесці да кіпення, пакласці ванілін, буйна здробненыя арэхі (можна пакінуць палоўкі ці чвэртачкі), парэзаную тонкімі долькамі разам з лупінай цытрыну (зярняткі выкінуць).

Адразу ж закатаць у падрыхтаваныя слоікі.