-500 г свініны,

-250 г бурака,

-600 г бульбы,

-1 корань морквы,

-1 корань пятрушкі,

-1 цыбуліна,

-300 г шчаўя,

-300 г шпінату,

-1 ст. лыжка пшанічнай мукі,

-2 яйкі,

-4 ст. лыжкі смятаны,

-1 г. лыжку цукру,

-1 ст. лыжка 9 %-вага воцату,

-3-4 ст. лыжкі сметанкавага масла,

-2 ст. лыжкі дробна нарэзанай зялёнай цыбулі,

-2 л вады,

-зеляніна кропу,

-соль,

-перац - па густу.

Свініну заліваюць халоднай вадой і вараць да гатовасці, булён працэджваюць. Бурак чысцяць, наразаюць саломкай, соляць і тушаць да гатовасці з даданнем воцату, цукру і булёна.

Моркву, пятрушку і цыбулю чысцяць, наразаюць саломкай, пасеруюць на сметанкавым масле і змешваюць з пасераванай на масле мукой, разведзенай булёнам.

У кіпячы булён кладуць вычышчаную і нарэзаную долькамі бульбу, вараць 10-15 хвілін, пасля чаго дадаюць тушаны бурак, пасераваныя карэнні, цыбулю і муку з булёнам, перабраныя, прамытыя ў халоднай вадзе і дробна нарэзаныя шпінат і шчаўе, лаўровы ліст, соль і вараць да гатовасці.

Пры падачы на стол у талерку з баршчом кладуць кавалак варанай свініны, нарэзаныя вараныя яйкі, смятану, дробна нарэзаную зеляніну кропу і зялёную цыбулю.