-750 г круглых памідораў,

-2 сярэднія па велічыні цыбуліны,

-1 маленькі свежы зялёны струк вострага перцу "чылі",

-1 пучок свежай каляндры,

-1 ст. лыжка сметанкавага масла,

-2 ст. лыжкі алею,

-соль па густу,

-перац па густу,

-цукар па густу.

Падрыхтаваць слоікі. Памідоры вымыць і здрабніць, пры гэтым выразаць месцы пладаножак. Памідоры пакласці ў сіта і даць сцячы соку. Цыбулю ачысціць і пасекчы. Востры перац вымыць, ачысціць, разрэзаць уздоўж, выняць зерні і парэзаць на кавалачкі. Каляндру вымыць і абсушыць, абарваць лісточкі і адставіць у бок, сцеблы парэзаць. Масла з алеем разагрэць у вялікім рондалі і пакласці тушыцца цыбулю. Востры перац, сцеблы каляндры і памідоры дадаць да цыбулі і ўсё на слабым агні тушыць 30 хвілін. Масу працерці скрозь сіта. Лісточкі каляндры пасекчы і перамяшаць. Дадаць соль, перац і цукар па густу. Раскласці ў слоікі, накрыць вечкамі і стэрылізаваць 45 хвілін. Закатаць.