-цюлька (салёная) – 120 г

-бульба – 300 г

-цыбуля – 80 г

-алей сланечнікавы – 20 г

-смятана – 20 г

-яйка – 20 г

-сухары – 5 г

-сыр – 10 г

-соус – 150 г

Салёную цюльку перабраць, адлучыць староннія прымешкі і вымачыць у халоднай вадзе так, каб утрыманне солі ў вымачанай рыбе не перавышала 3%. Вымачаную рыбу выняць з вады, выдаліць галовы, унутранасці і прамыць, пакласці ў аўтаклаў і пад ціскам у адну атмасферу варыць 25-30 хвілін. Пасля варкі косткі рыбы павінны стаць зусім мяккімі. Пасля гэтага рыбу разам з вычышчанай варанай бульбай і пасераванай цыбуляй прапусціць праз мясасечку. У пракручаную масу дадаць смятану, яйкі і, старанна перамяшаўшы, выкласці на змазаную маслам і пасыпаную сухарамі патэльню ці бляху, пасыпаць цёртым сырам, сухарамі, апырскаць маслам і запекчы ў смажыльнай шафе. Падаць фаршмак са смятанавым ці таматавым соусам. Гэтак жа можна прыгатаваць фаршмак з салёнай хамсы, кількі, салакі.