-буханка чэрствага белага хлеба

-яйка - 7 шт

-малако - 1 л

-гарчыца - 2 ст.л.

-нацёрты сыр (пармезан ці чэддэр) - 2 шклянкі

-вяндліна, ці кумпячкі, ці курыца - 300 г

-палоскі бекону - 6-8 шт

-шампіньёны - 300 г

-кансерваваныя памідоры без скуры - 1,5-2 шклянкі

-соль,

-перац

-алей

-жменя сухой рэзкай травы (у французскім ці італьянскім стылі)

1. Хлеб наразаем невялікімі кубікамі і ўкладваем ў форму

2. Рыхтуем заліванне. Яйкі ўзбіваем з соллю і гарчыцай

3. Паступова дадаем малако

4. Кладзем жменю сухой духмянай травы

5. Насычаем хлеб паловай залівання і пакідаем яго брыняць на 15 хвілін.

6. Бекон дробна наразаем і падсмажваем

7. Тым часам наразаем вяндліну кубікамі, а шампіньёны - тонкімі пласцінкамі

8. Выкладваем на талерку скваркі бекону, а ў вытапіўшымся тлушчу падсмажваем шампіньёны

9. Усё ўкладваем маляўнічымі пластамі. На набракшы хлеб - палову сыра і шампіньёны

10. Пасыпаем ўсё скваркамі бекону. Зверху - кубікі вяндліны

11. На вяндліну - памідоры. На памідоры - пакінуты сыр

12. Дадаем другую палову залівання

13. Шчыльна зачыняем форму фальгой і ставім на 30-40 хвілін у духоўку, нагрэтую да 170-180 градусаў

14. Потым фальгу трэба зняць, павялічыць тэмпературу да 200 градусаў і запякаць яшчэ 10-15 хвілін.

15. І нарэшце, хутка раскладваем па талерках