- 1,5 шклянкі рысу,

-1,5 шклянкі вады,

-1,5 шклянкі малака,

- 1 ст. лыжка сметанкавага масла (маргарыну),

- соль,

- 2 ст. лыжкі цукру,

- ванілін,

- 6-7 кісла-салодкіх яблыкаў (ці 500 г свежых ці замарожаных сліў),

- 3-4 ст. лыжкі цукру для садавіны,

- ванільны цукар ці карыца,

- сметанкавае масла (маргарын) для формы,

-молатыя сухары для формы,

- смятана ці фруктовы сок.

Рыс некалькі разоў прамыць, даць вадзе сцячы, усыпаць у кіпячую ваду з малаком, дадаць масла (маргарын), соль, пагатаваць, дадаць цукар, ванілін, перамяшаць, дагатаваць на слабым агні (на рассякальніку).

Яблыкі вымыць, ачысціць, нарэзаць тонкімі лустачкамі (са сліў выняць костачкі і распалавініць).

Рондаль ці форму для выпечкі вышмараваць маслам, пасыпаць сухарамі, выкласці папластава рыс і садавіну, пасыпаючы цукрам з ванільным цукрам ці карыцай (верхнім павінен быць пласт рысу, пасыпаны молатымі сухарамі), змясціць у гарачую духоўку на 30-40 хвілін.

Падаваць са смятанай ці фруктовым сокам.