-400 - 500 г свіной ці ялавічнай выразкі

-мука для паніравання

-паніровачныя сухары

-3 яйкі

-спецыі па густу (чорны молаты перац, папрыка, кунжут)

-бульба-фры (для гарніру)

-гароднінныя спецыі (корань пятрушкі ці салеры, салодкі перац, цыбуля ці часнык)

-2-3 ст лыжкі сметанкавага масла

-2-3 ст лыжкі маянэза

-соль

-алей для смажання

Рыхтуецца рамштэкс традыцыйна з выразкі ялавічнай.

Кавалкі наразаюцца папярок валокнаў таўшчынёй не меней 1 см і адбіваюцца.

Запраўляюцца спецыямі, змочваюцца ўзбітымі яйкамі, абвальваюцца ў муце і ў сухарах.

Абсмажваюцца ў моцна разагрэтым масле па чарзе з кожнага боку да праявы лёгкай румянасці.

Рамштэкс (пасля смажання яго на патэльні) неабходна дапячы ў духоўцы,

каб мяса дасягнула патрэбнай кансістэнцыі мяккасці і сакавітасці,

бо з-за паніравання яно можа недастаткова прасмажыцца ўсярэдзіне,

а лішні час смажання зробіць яго грубым і сухім.

Пласты абсмажанага мяса выкладваем на бляху.

Разам з мясам можна прыгатаваць і гарнір, абклаўшы мяса бульбай.

Можна ўзяць гатовую замарожаную бульбу "фры".

Вышмараваць яе маянэзам, пасыпаць гародніннымі спецыямі,

паліць сокам, які ўтварыўся ад абсмажвання мяса,

даліўшы ў патэльню вады і пракіпяціць яе.

Для большай сакавітасці пакласці зверху

некалькі кавалачкаў сметанкавага масла.

Моцна прагрэў духоўку, зменшыць агонь да 180°,

паставіць бляху ўнутр, таймер завесці на 30 хвілін.

Хоць часу для выпякання ў духоўцы рамштэксу трэба менш,

але з-за бульбянога гарніру трэба яго павялічыць.