-1-1,5 кг ялавічыны (выразка, тонкі ці тоўсты край)

- 4 ст. лыжкі масла,

- 1/2 шклянкі мяснога булёна ці віна,

- соль - па густу,

- молаты чорны перац - па густу

Мяса (лепш паляндвічную частку, выразку) абмыць, выдаліць сухажыллі, вызваліць ад плёнак, абсушыць сурвэткай, пасаліць, паперчыць, цэлым кавалкам пакласці на разагрэтую з маслам тоўстую патэльню і злёгку абсмажыць. Затым змясціць яго ў гарачую духоўку (на сярэднюю паліцу) і смажыць да гатовасці.

Праз кожныя 10-15 хвілін паліваць мяса утварыўшымся сокам. Калі соку будзе мала, можна падліць трохі гарачага булёна ці вады (а яшчэ лепш віна). Працягласць пячэння залежыць ад таго, які трэба прыгатаваць ростбіф - прапражаны, сярэдне-прапражаны (ружовы, чырванаваты) ці з крывёй.

Правяраць гатовасць мяса пажадана не праколваннем яго, а націскам на мяса пальцам у самым тоўстым месцы: калі пругка паддаецца - значыць, усярэдзіне яшчэ з крывёй, калі слаба паддаецца - ружовае ўсярэдзіне, калі не паддаецца - прасмажылася цалкам.

Гатовы ростбіф выняць з духоўкі, даць яму пастаяць 15 хвілін перад наразаннем, каб у ім захавалася больш соку, затым нарэзаць наўскасяк парцыённымі лустачкамі і паскладаць на талерку.

На гарнір можна падаць прагрэты і запраўлены маслам зялёны гарошак. Паліць мяса працэджаным сокам, які ўтварыўся пры пячэнні ці растопленым маслам.