- грыбы белыя сушоныя – 200 г

- цыбуля рэпчатая - 2-4 цыбуліны

- цыбуля зялёная - па густу

- сала – 100 г

- памідоры - 2-3 шт.

- цытрына - 1/2 шт.

- зеляніна пятрушкі і кропу,

-перац чорны молаты,

-соль - па густу

Сушоныя баравікі замачыць. Калі яны набрыняюць, адцадзіць,

нарэзаць буйнымі лустачкамі, дробныя грыбы не рэзаць.

Рэпчатую цыбулю нарэзаць тоўстымі кружочкамі,

свежае свіное сала - кавалачкамі 3-4 см. Нанізаць на драўляныя

ці металічныя шпажкі, чаргуючы лустачкі грыбоў, кружочкі цыбулі

і кавалачкамі сала, пасаліць, пасыпаць чорным молатым перцам.

Шашлыкі паскладаць у глыбокую патэльню ці гусятніцу, заліць вадой,

у якой былі замочаны грыбы, давесці да кіпення, зачыніць вечкам і

тушыць на павольным агні 30-40 хвілін. Гатовыя шашлыкі пакласці

на парцыённую талерку, побач змясціць буйна нарэзаную зялёную

цыбулю, долькі свежых памідораў, упрыгожыць лустачкамі цытрыны,

галінкамі пятрушкі і пасыпаць нарэзаным кропам. У соусніку падаць

шашлычны адвар.