-мука грачаная - 2 шклянкі

-мука пшанічная - 2 шклянкі

-малако - 4 шклянкі

-сліўкі - 100 г

-дрожджы - 25 г

-яйкі - 3 шт.

-цукар - 1 ст. лыжка

-масла сметанкавае - 2 ст. лыжкі

-соль

У эмаляваны рондаль усыпаць грачаную муку, уліць 2 шклянкі

цёплага малака, папярэдне развядучы ў ім дрожджы.

Усё добра размяшаць і паставіць у цёплае месца.

Калі цеста паднімецца, размяшаць яго драўлянай лыжкай,

уліць астатняе малако, усыпаць пшанічную муку і добра змяшаць.

Цеста зноў паставіць у цёплае месца.

Пасля таго як цеста зноў падыдзе, у яго дадаць яечныя жаўткі,

расцёртыя з двума сталовымі лыжкамі растопленага сметанкавага

масла, цукрам, соллю.

Усе прадукты змяшаць. Узбіць асобна сліўкі і яечныя бялкі.

Дадаць іх у цеста і, асцярожна змяшаўшы,

зноў паставіць у цёплае месца на 15-20 хвілін.

Выпякаць бліны звычайным спосабам.