- 3 вялікіх салатных агурка (каля 600 г кожны),

-2 кіслых яблыка,

-0,5 л рысавага ці іншага мяккага воцату,

-150 г цукру,

-1 вялікі пучок кропу,

-50 г зерняў гарчыцы,

-5 шт. лаўровага ліста.

Агуркі ачысціць, разрэзаць уздоўж, лыжачкай выняць насенне, затым нарэзаць тонкімі долькамі таўшчынёй з палец. Яблыкі ачысціць, разрэзаць на 4 часці, выняць асяродак, нарэзаць долькамі таўшчынёй прыкладна 1 см. 0,5 л вады закіпяціць з воцатам і цукрам.

Апусціць агуркі і яблыкі. Давесці да кіпення. Зняць рондаль з пліты, адставіць на 24 гадзіны. Агуркі і яблыкі выняць з марынаду. Кроп памыць і дробна пасекчы.

Агуркі і яблыкі разам з зярняткамі гарчыцы і лаўровым лістом скласці ў стэрыльныя слоікі. Марынад яшчэ раз закіпяціць, астудзіць і заліць ім агуркі, каб цалкам былі пакрыты.

Слоікі закаркаваць і паставіць у халоднае месца. Агуркі гатовыя праз тыдзень.