Адбіраюць маладыя карняплоды сталовых гатункаў (Вітамінавая 6, Нанцкая 4, Ласінавастроўская 13) з чырвона-памяранцавай афарбоўкай і невялікім асяродкам.
Моркву старанна мыюць (з дапамогай шчотак), бланшуюць у кіпячай вадзе на працягу 4...10 хвілін (у залежнасці ад дыяметра карняплодаў), астуджаюць, апускаючы ў халодную ваду, і чысцяць ад скуркі.
Вычышчаную моркву наразаюць на кавалачкі, якія вараць у невялікай колькасці вады да размякчэння.
Атрыманую масу прапускаюць праз мясасечку, затым дадаюць 75%-ны цукровы сіроп і вараць да гатовасці (не больш за 25...30 хвілін ад пачатку кіпеньня), увесь час змешваючы масу.
Для падрыхтоўкі сіропу ў 1 л вады раствараюць 3 кг цукру (ці 15 шклянак з тонкага шкла), сіропу атрымаецца 2,85 л. Варку сканчаюць, калі тэмпература кіпення дасягне 106,5...107 °С.
За некалькі хвілін да канчатка варкі дадаюць цытрынавую кіслату (па 2....3 г на кожны кілаграм узятай морквы). Джэм расфасоўваюць гарачым.
|