Для цукатаў адбіраюць свежую зеленаватую моркву яркай памяранцавай афарбоўкі. Яе старанна мыюць, чысцяць ад лупіны, спаласківаюць праточнай вадой і рэжуць кавалачкамі ці кружкамі таўшчынёй 15-20 мм.
Нарэзаную моркву бланшуюць у кіпячай вадзе 8-10 хвілін, астуджаюць у халоднай вадзе, даюць ёй сцячы і змяшчаюць моркву ў эмаляваны таз.
Адначасова рыхтуюць цукровы сіроп з разліку 1,2 кг цукру і 300 г вады на 1 кг падрыхтаванай морквы.
У эмаляваны рондаль наліваюць неабходную колькасць вады, дадаюць цукар, кіпяцяць 5-7 хвілін, фільтруюць праз 3-4 пласты марлі, даводзяць сіроп да кіпеньня і гарачым (тэмпература не ніжэй 90 °С) выліваюць у эмаляваны таз, у якім знаходзіцца морква.
Сумесь морквы і сіропу кіпяцяць 10-15 мін і пакідаюць на 10 гадзін. Пасля вытрымкі сумесь другасна ўварваюць 10-15 хвілін і зноў пакідаюць на 10 гадзін. Падчас трэцяй варкі цукаты ўварваюць да гатовасці, г. зн. да тэмпературы кіпення сіропу 107,5-108 °С.
Напачатку уварываньня ў сумесь дадаюць 3 г цытрынавай кіслаты і 0,05 г ваніліну на кожны кілаграм падрыхтаванай морквы.
Увараныя гарачыя цукаты адкідваюць на друшляк і пакідаюць на 1-1,5 гадзіны, пасля чаго іх укладваюць у адзін шэраг на сіта і падсушваюць у духоўцы пры тэмпературы 35-40°С ці пры пакаёвай тэмпературы 1-2 сут.
Падсушаныя кавалачкі морквы абсыпаюць з усіх бакоў дробным цукрам і дасушваюць пры той жа тэмпературы да з'яўлення скарыначкі з крышталяў цукру.
Гатовыя цукаты ўкладваюць у сухія чыстыя слоікі, накрываюць іх пракіпячонымі вечкамі, герметычна закрываюць і захоўваюць да ўжывання.
|