Для кансерваваньня прыдатна маладая свежая морква. У яе адразаюць бацвіньне, карані, старанна сартуюць, выдаляючы пашкоджаныя часткі, мыюць, даюць сцячы вадзе, наразаюць кружочкамі і бланшуюць у кіпячай вадзе на працягу 5 хвілін, дадаўшы на кожны літр вады 20 г солі.

Бланшаваную моркву ўкладваюць у падрыхтаваныя слоікі і заліваюць гарачым заліваньнем. Для падрыхтоўкі заліваньня ў эмаляваны рондаль уліваюць ваду, дадаюць цукар і соль, даюць закіпець, потым уліваюць воцат і зноў даводзяць да кіпеньня.

Рэцэптура заліваньня на 0,5 л слоік:

-вады - 200 г,

-солі - 5 г,

-цукру - 5 г,

-воцату - 25 г;

на літровую:

-вады - 400 г,

-солі - 10 г,

-цукру - 10 г,

-воцату - 50 г.

Напоўненыя гарачым заліваньнем слоікі ўкладваюць у рондаль, з летняй да 60 градусаў вадой, і стэрылізуюць: 0,5 л слоікі - 20 хвілін, а літровыя -25. Пасля стэрылізацыі слоікі неадкладна закатываюць і правяраюць герметычнасць закаркаваньня.

Астуджэнне - паветранае. Нарыхтоўка выкарыстоўваецца як гарнір да мясных страў і для падрыхтоўкі вінегрэтаў. Сезон падрыхтоўкі - ліпень.