-30 г ялавічыны,

-30 г бараніны,

- 60 г буракі,

-80 г капусты,

-70 г бульбы,

-10 г фасолі,

-10 г морквы,

-5 г кораня салеры,

-5 г кораня пятрушкі,

-15 г цыбулі рэпчатай,

-80 г памідораў або 15 г тамата-пюрэ,

-20 г яблыкаў мочаных,

-100 г квасу бурачнага,

-5 г сала-шпік,

-10 г масла топленага,

-5 г цукру,

-15 г смятаны,

-перац духмяны гарошкам,

-лаўровы ліст,

-соль,

-зеляніна пятрушкі,

-кропу - па густу.

Квас бурачны, на 10 л:

-4 кг буракоў,

-12 л воды.

На Украіне боршч звычайна рыхтавалі з чырвоным бураком або квасам з яго. Для густу і вастрыні дадавалі квас-сыравец, сыроватку або маслёнку (вадкасць, якая застаецца пасля падрыхтоўкі масла і сыра), а пры падачы на стол у святочныя дні забельвалі смятанай.

На Падоллі для закваскі баршчу рыхтавалі адмысловы квас з запаранага жытняга вотруб'я - грыс. Для надання баршчу вострага густу дадавалі чырвоны струковы перац, асабліва распаўсюджаны на поўдні Ўкраіны. Ялавічыну заліць бурачным квасам (вадой) і варыць да гатовасці.

Памідоры нарэзаць, прыпусціць на топленым маслі і працерці праз сіта. Нарэзаны саломкай бурак тушыць у булёне з дробна нарэзанай баранінай. Рэпчатую цыбулю і карэнні нарэзаць саломкай і спасераваць на тлушчу, знятым з булёна.

У булён пакласці нарэзаную кубікамі бульбу, шаткаваную капусту і варыць 5-7 мін, затым дадаць спасераваныя карэнні, тушаны з баранінай бурак, працёртыя памідоры, нарэзаныя мочаныя яблыкі, папярэдне звараную фасоль, расцёртае з сырой, рэпчатай цыбуляй і зелянінай пятрушкі сала-шпік, лаўровы ліст, духмяны перац гарошкам, цукар, соль, бурачны квас. Пры падачы ў талерку пакласці смятану і пасыпаць зелянінай.

Квас бурачны: бурак ачысціць і прамыць. Частку бурака (1/5) нарэзаць лустачкамі, пакласці яго уперамешку з цэлым бураком, заліць халоднай кіпячонай вадой і паставіць у цёмнае месца для закісання. Па канчатку працэсу закісання перанесці квас у халоднае месца, і праз 13-15 гадзін ён гатоў. Па меры выкарыстання яго трэба даліваць халоднай кіпячонай вадой (4-5 раз) і перыядычна выдаляць цвіль.