- гаршочкі (500 мл) - 6 шт.

- бульба - 6 шт.

- морква - 2 шт.

- часнык - 6 зубчыкаў

- цыбуля рэпчатая - 1 шт.

- цытрына - 1.5 шт.

- кансерваваныя алівы ці масліны – 300 г

- кансерваваная кукуруза – 150 г

- марынаваныя агурочкі – 300 г

- кансерваваныя шампіньёны – 150 г

- каўбаса вараная - 350-400 г

- каўбаса вэнджаная – 200 г

- грудзінка вэнджаная – 200 г

- соль - па густу

-перац чорны - па густу

- зеляніна - па густу.

Бяром гліняныя гаршочкі і кладзём у іх бульбу, нарэзаную дробнымі кубікамі. Дадаём цыбулю парэзаную кольцамі, моркву парэзаную вельмі дробнымі кубікамі, каўбасу і грудзінку (прычым розныя гатункі мяса парэжце па-рознаму, адны кубікамі, другія саломкай і г.д.), марынаваныя агурочкі (чым кіслей тым лепш) парэзаныя кружочкамі, кансерваваную кукурузу, грыбы, кансерваваныя масліны ці алівы, часнык, разрэзаны ўздоўж на 4 часці, цытрыну, парэзаную кружочкамі. Затым разліваем па гаршочках расол ад агурочкаў і аліў (маслін). Даліваем вадой. Дадаём цытрынавай кіслаты, калі здаецца, што салянка будзе недастаткова кіслай. Перчым, солім, накрываем гаршочкі вечкамі і ставім у СВЧ на 25-30 хвілін (пасля закіпання) на невялікай магутнасці (20-30%). Можна, а магчыма - нават будзе лепш, гаршочкі змясціць у духоўку. Падаваць салянку агніста гарачай у гаршочках багата пасыпаўшы зелянінай.