- 2 ст. л. смятаны,
- 500 г морквы,
- цукар - па густу,
-соль - па густу,
- 1 ст. л. масла сметанкавага,
- паўшклянкі манкі,
- 2 ст. л. паніровачных сухароў,
- 3,5 шкл. малака,
- 3 яйкі,
- 300 г тварагу,
- паўшклянкі разынак.
1. Стаўце кіпяціцца імбрычак. Тым часам памыйце моркву, і верхні пласт з яе саскрабіце ножыкам. Рэжам моркву невялікімі брусочкамі ці ж кружочкамі. Кладзем парэзаную моркву ў рондаль і зальем кіпенем так, каб гародніна была толькі трошкі прычыненай вадой. Кладзем сюды і масла сметанкавае. Зараз трэба патушыць моркву да мяккасці.
2. Звараную моркву здрабняйце блендэрам. На гэтым этапе можаце паліць гародніну цытрынавым сокам і пакласці трохі цэдры, але гэта зусім рабіць не абавязкова.
3. Зараз сварым манную кашу. Кіпячае малако прысаліце, і дадайце цукар. Зараз засыпайце тоненькім струменьчыкам манку ў кіпячае малако і варыце кашу хвілін дзесяць. Глядзіце, каб не ўтвараліся камякі. Гатовую кашу трэба астудзіць.
4. Праціраем тварог праз сіта. Разынкі кладзіце ў сіта пасля расцірання тварагу і апарвайце іх кіпенем. Уключаем духавую шафу. Падрыхтуем форму для выпечкі, вышмаруем яе маслам і зверху насыпаем трохі сухароў.
5. Зараз злучаем працёрты тварог, звараную манную кашу, разынкі і пюрэ з морквы. Пакладзіце цукру, можаце дадаць яшчэ цэдру з цытрыны ці апельсіна. Разбіваем пару яйкаў у сумесь і добранька ўсё змешваем.
6. Выкладваем масу для будучай запяканкі ў падрыхтаваную форму і выпякаем у духавай шафе пры 200 С прыблізна хвілін сорак пяць. На запяканцы павінна ўтварыцца апетытная карычняватая скарыначка.
|