Ангельскі ростбіф (roast beef - смажаная ялавічына) ці наша бужаніна -
сапраўды, што можа быць прасцей і смачней, чым запечанае кавалкам
мяса! На гарнір - бульбачка.
Можна для поўнай гармоніі дадаць да гэтай стравы струкавую фасоль
з цытрынавым сокам, сметанкавым маслам і чаборам.
-бульба маладая ружовая - 700 г
-цыбуля-шалот - 450 г, разрэзаная ўздоўж на дзве часткі
-алей аліўкавы - 2 ст. л.
-соль
-перац
-мяса ялавічнае (азадак, перавязаны ніткай) - 700 г
Разагрэйце духоўку да 200 градусаў.
Бульбачку разрэжце напалову (дробную)
ці на чатыры часткі (калі буйней).
Цыбулю разрэжце ўздоўж на дзве часткі.
На вялікай блясе перамяшайце бульбачку
і цыбулю з аліўкавым алеем, соллю і перцам.
Ссуньце гародніну да краёў бляхі, у цэнтр пакладзіце мяса.
Cмажце яго на аліўкавым алеі, добра пасаліце і паперчыце.
Смажце мяса з бульбачкай і цыбуляй, перыядычна памешваючы
гародніну, да жаданай ступені гатовасці
(каля 40-50 хвілін для ўмерана прапражанага ростбіфа).
Перад тым, як нарэзаць, накрыйце ростбіф фальгой
і пакіньце на некаторы час.
Падайце з бульбай і цыбуляй-шалотам.
|