Цеста: 1 яйка расцерці з 2-3 ст. лыжкамі цукру. Усыпаць 10-15 лыжак

мукі. Перамяшаць. Ўліць 0,5 літра кефіру. Змешваць, пачынаючы ад

сценкі рондаля. Я звычайна замешваю відэльцам (толькі не

алюмініевым, вядома) Змешваць датуль, пакуль уся мука не сыдзе ў

цеста. Дадаць вады ў атрыманае крутое цеста да неабходнай

кансістэнцыі. (У вадзе папярэдне размяшаць 1 г. лыжку соды) Маё

цеста звычайна не цячэ, а спаўзае з лыжкі на патэльню. Лыжку трэба

ставіць у шклянку з халоднай вадой, каб да яе цеста не ліпла. Алей ў

цеста я не дадаю таму, што падліваю яго на патэльню для кожнай

партыі аладак. Выкарыстоўваю патэльню з тэфлонавым пакрыццём.

Выпяканне: На патэльню наліць алею ~1 ст. лыжку. Выгрэць

патэльню. Калі кропелька вады, скінутая з мокрага пальца, на патэльні

скочваецца ў шарык - патэльня прагрэта. Але алей не павінен дымець!

На прагрэтую патэльню выкладваем мокрай лыжкай цеста. Не вельмі

блізка. Я пакідаю зазоры ~1 см паміж аладкамі. Гэта дазваляе,

падтрасаючы патэльняй у гарызантальнай плоскасці, перасоўваць іх

па патэльні. Пасля зарумяньвання ніжняй скарыначкі верх ужо не вадкі

тым часам іх пара перавярнуць, дадаць алею ~1 ст. лыжку і

страсянуць, каб алей патрапіў пад аладкі.