Карняплоды мыюць валасяной шчоткай, чысцяць ад лупіны і здрабняюць на буйнай тарцы.
Здробненую масу ўкладваюць у рондаль, дадаюць пітную ваду (на 1 кг масы 1 шклянку), накрываюць вечкам і тушаць да поўнага размякчэння. Затым гэту масу лёгка прасуюць.
Атрымліваюць каламутны сок без мякаці, пакінуты жмых праціраюць праз сіта ці пры дапамозе іншых прыстасаванняў і атрымліваюць бураковае пюрэ.
Для атрымання соку з мякаццю ў пюрэ дадаюць сок у суадносінах 1 : 4 (бяруць 1 шклянку пюрэ і 4 шклянкі адціснутага соку), старанна змешваюць.
Для гэтай мэты можна выкарыстоўваць міксер. Дадаюць цытрынавую кіслату па густу (прыкладна 5-6 г на 1 л).
Затым сумесь хутка даводзяць да кіпення, памешваючы кіпяцяць 2-3 хвіліны, разліваюць у падрыхтаваную тару і зашпунтоўваюць.
На 1 л бурачнага соку расходуюць 1,2 кг буракоў Сокі з карняплодаў перад стэрылізацыяй можна па густу падсаліць.
Выкарыстоўваюцца яны як паўфабрыкат для выраба купажаваных сокаў, напояў. З'яўляюцца выдатнымі заправамі – салерны і пятрушачны як араматызатары, а бурачны і маркоўны як фарбавальнікі.
|