На 3-х літровы слоік:

-2,3 кг баклажанаў,

-500 г морквы,

-100 г белых карэнняў,

-100 г рэпчатай цыбулі,

-5-8 зубкоў часныку,

-50-70 г зеляні пятрушкі і салеры (па густу),

-40 г солі для фаршу,

-200 г алею.

Плады баклажана памыць, выдаліць пладаножкі, зрабіць скразны надрэз па даўжыні, адступіўшы ад канцоў на 2-3 см, і варыць у салёнай вадзе (30 г солі на 1 л вады на працягу 30-40 хвілін).

Затым плады выняць з рондаля, адціснуць пры дапамозе грузу лішнюю ваду, начыніць плады фаршам, перавязаць іх хвосцікамі ліста салеры, вытрыманым 10-15 хвілін у кіпені, ці светлай ніткай, шчыльна паскладаць у слоікі, перасыпаючы кожны пласт здробненым часныком і завязаць горлачка слоіка марляй.

На трэці дзень, пасля пачатку малочна-кіслага закісання слоіка, заліваюць пракіпячоным і астуджаным алеем і ставяць на захоўванне ў халоднае памяшканне (пры тэмпературы не вышэй 8-10°C захоўваюцца да 5-6 месяцаў). Падрыхтоўка фаршу: моркву, белыя карэнні (пятрушка, пастарнак) ачысціць, памыць, нарэзаць саломкай і пратушыць у алеі да паўгатовасці.

Рэпчатую цыбулю ачысціць, нарэзаць пласцінкамі і абсмажыць у алеі. Белыя карэнні, цыбулю, нарэзаную зеляніну пятрушкі і салеры змяшаць, пасаліць (40 г на 1 кг фаршу), астудзіць і выкарыстоўваць для начыння баклажанаў.