АРАК - моцны алкагольны напой, залацістага колеру (32-59% аб.), распаўсюджаны ў Паўднёвай Індыі і Паўднёва-усходняй Азіі. Рыхтуецца шляхам дыстыляцыі зброджанага соку какосавай пальмы ці закваскі з рысу і патакі цукровага трыснёга з даданнем (ці без) пальмавага соку. Вытворчасцю Арака займаюцца пераважна на Яве і Цэйлоне, затым на Малабарскім узбярэжжа і ў Сіяме. Гэты напой, атрымліваецца часткай з рысу, часткай з соку какосавай ці фінікавай пальмы (званага "тоддзі"), трысняговай мелассы. Батаўскі і ямайскі арак атрымліваецца з рысу і патакі (цукровага сіропу) з дадаткам тоддзі, г.зн. не толькі з аднаго рысу. З рысу спачатку рыхтуюць солад: размочваюць рысавыя зерні ў вадзе і даюць ім прарасці, затым сушаць і заціраюць з цёплай вадой, даюць яму брадзіць і нарэшце закіслую масу падвяргаюць дыстыляцыі. Уласна, солад толькі з рысу рыхтуюць вельмі рэдка; звычайна дадаюць патаку і тоддзі, а дадаюць яе тады, калі затор (цестападобная сумесь прарослых рысавых зерняў і вады) прыйдзе ў закісанне. Пры перагонцы закіслай масы атрымліваюць трэці (найнізкі) гатунак арака. У сваю чаргу, дыстыляцыя найнізкага гатунку ў сумесі з некаторай колькасцю вады, дае другі гатунак; пасля чаго новай перагонкай атрымліваецца першы гатунак, які, вырабляецца даволі рэдка. Вялікая частка наяўнага ў продажы сучаснаснага арака рыхтуецца ў Батавіі, на выспе Ява. У Еўропе, а менавіта ў Нямеччыне, вырабляецца штучны арак са спірту, які і зусім не ўтрымоўвае сівушнага масла. А ўтрымоўвае прымешкі некаторых рэчываў, асабліва вядомых гатункаў складаных эфіраў і фарбуючых рэчываў, прычым перайманне тут дасягае такой дасканаласці, што можа ўвесці ў зман нават знаўцаў. Добры сапраўдны арак празрысты, па большай частцы бясколерны ці слаба афарбаваны ў жаўтлявы колер, валодае характэрным прыемным пахам і густам і ўтрымоўвае да 60 % алкаголю.