Акрамя прадуктаў спатрэбіцца: каля 3 кг лёду, 1/3 пачкі солі, адмысловая марожаніца ці замяняючы яе малочны бітон і невялікі таз.

Пяць шклянак халоднага малака, 2 цэлых яйкі і яшчэ два жаўтка разбоўтаць разам ў маленькім рондальчыку і працадзіць праз сіта ці друшляк. У працэджаную сумесь дадаць 1,25 шклянкі цукру. Размяшаць старанна і пачынаць варыць марозіва...

Каб сумесь не падгарэла, трэба варыць на паравой лазні - маленькі рондальчык паставіць у вялікі, прычым вада павінна даходзіць толькі да сярэдзіны сярэдняга. Не забывайце ўвесь час памешваць, пакуль не згусне. Маса павінна заварыцца да гушчыні смятаны, але ні ў якім разе не закіпець.

Затым маленькі рондальчык выняць, дадаць поўную гарбатную лыжку свежага сметанкавага масла, добранька ўзбіць міксерам і паставіць на холад. Няхай прастаіць на холадзе не менш 2 гадзін (тэмпература прыкладна нулявая).

Потым варта перакласці масу ў марожаніцу і замарозіць. Калі без марожаніцы, ў бітоне, то маса не павінна даходзіць да вечка на далонь. Бітон трэба паставіць у таз, абкласці лёдам, пасыпаным соллю і круціць сюды-туды, пакуль не замарозіцца.

Часам памешваць лыжкай. У канцы замарозкі можна дадаць ваніліну, каву, какаву, арэхаў - каму што падабаецца .