-100 г марозіва сметанкавага ці пламбіру сметанкавага,
-55 г яйка (бялкоў),
-45 г цукровай пудры,
-50 г бісквіта гатовага,
-50 г садавіны
На металічную талерку пакласці лустачкі выпечанага бісквіта, а на іх кансерваваныя яблыкі ці грушы, нарэзаныя тонкімі пласцінкамі. Па-над садавінай пакласці добра замарожанае сметанкавае марозіва ў выглядзе авальных палачак ці брусочкаў.
Затым на марозіва паскладаць тонкі пласт садавіны, а на іх лустачкі бісквіта. Паверхню і бакі падрыхтаванага марозіва з бісквітам і садавінай пакрыць ўзбітымі бялкамі, карыстаючыся для гэтага кандытарскім мяшком.
Падрыхтаваную страву хутка запекчы (l,5-2 хвіліны) у смажыльнай шафе пры тэмпературы не меней 260°, каб яечныя бялкі хутка падрумяніліся. Гатовую страву пасыпаць цукровай пудрай і неадкладна падаць.
Пры падачы можна наліць вакол марозіва каньяк ці спірт і запаліць яго.
|