Усе кампаненты для "Амлету салодкага" (гл. вышэй).

Для начыння:

-500 г яблыкаў,

-белае віно ці цытрынавы сок,

-2 жаўтка,

-70 г цукру,

-2 узбітых бялка,

-50 г сечанага міндаля,

-тлушч,

-паніровачныя сухары,

-цукровая пудра.

Форму для торта падмазаць тлушчам і абсыпаць прасеянымі сухарамі. Пакласці ў яе гатовы амлет і вышмараваць яблычным начыннем, прыгатаваным так: яблыкі нарэзаць, прыпусціць з невялікай колькасцю белага віна ці цытрынавым сокам і працерці скрозь сіта.

Яечныя жаўткі расцерці з цукрам, дадаць узбітыя бялкі, сечаны міндаль і змяшаць з яблычным пюрэ. Вышмараваўшы амлет гэтым начыннем, пакласці на яго другі амлет, ізноў вышмараваць начыннем, пакласці трэці амлет і вышмараваць яго тлушчам.

Форму паставіць у духоўку і запекчы. Гатовы выраб пасыпаць цукровай пудрай і асцярожна нарэзаць порцыямі.