-4 сярэдніх плода хурмы,
-1 яблыка,
-1 цыбуліна,
-3 cт. лыжкі алею,
-2 cт. лыжкі цытрынавага соку,
-цукар,
-чорны молаты перац
Плады хурмы вымыць, вызваліць ад пладаножак і, не чысцячы ад лупіны, разрэзаць кожны плод напалову. Палоўкі пладоў хурмы нарэзаць тонкімі кружочкамі. Яблыка вымыць, ачысціць ад лупіны, разрэзаць на чвэртачкі і, выдаліўшы асяродак, нарэзаць тонкімі лустачкамі. Цыбуліну ачысціць ад шалупіны і нарэзаць тонкімі кружочкамі. Пакласці нарэзаныя кружочкі хурмы, лустачкі яблыка і кружочкі цыбулі ў салатніцу і акуратна перамяшаць. З цытрынавага соку, алею і цукру прыгатаваць соус для салаты. Перад падачай да стала заправіць салату, прыгатаваную ў салатніцы, соусам і пасыпаць чорным молатым перцам.
|