-вымя - 750 г

-цыбуля - 1 шт

-морква - 2 шт

-рэпа - 0.5 шт

-бручка - 0.5 шт

-бульба - 4-5 шт

-смятана - 1 шклянка

-лаўровы ліст - 2-3 шт

-перац духмяны гарошкам - 3-5 гарошын

-соль - па густу

Каровіна вымя прамыць, разрэзаць на кавалкі з палец таўшчынёй,

замачыць у халоднай вадзе на 6 гадзін,

а потым варыць на вельмі слабым агні 3-4 гадзіны.

Затым вадкасць зліць і працадзіць, а вымя нарэзаць кубікамі

і раскласці ў парцыённыя керамічныя збанкі.

Гародніну пачысціць і вымыць.

Моркву, рэпу, бручку і бульбу нарэзаць невялікімі кавалачкамі,

а цыбулю здрабніць.

Дадаць гародніну раўнамерна ва ўсе збанкі, заліць булёнам,

у якім тушылася вымя, паставіць у духоўку і варыць яшчэ 15-20 хвілін.

Пасля гэтага пасаліць, пакласці лаўровы ліст, духмяны перац

і працягваць варыць датуль, пакуль уся гародніна не стане мяккай.

Потым уліць смятану і патушыць яшчэ 10-15 хвілін.