-155 г карэйкі свіной,

-15 г карэнняў і цыбулі,

-25 г грыбоў свежых,

-15 г масла сметанкавага,

-5 г мукі пшанічнай,

-1 цытрына ці 1 г цытрынавай кіслаты,

-150 г гарніру

Нарэзаць са свіной карэйкі катлеты з костачкай ці парцыённыя кавалкі з паяснічнай часткі (без костачкі), зачысціць іх, паскладаць у адзін шэраг у глыбокі сатэйнік, пасаліць, заліць булёнам, звараным з неабсмажаных свіных костак, дадаць рэпчатую цыбулю, моркву, пятрушку, нарэзаныя лустачкамі, зачыніць посуд вечкам і прыпускаць мяса да гатовасці. Каб надаць мясу бялейшы колер, разам з булёнам дадаць цытрынавы сок ці адпаведную (па густу) колькасць растворанай у вадзе цытрынавай кіслаты. Можна дадаць таксама белае сухое вінаграднае віно (10 л). За 15-20 хвілін да канчатка варкі ў посуд з мясам пакласці грыбы свежыя белыя ці шампіньёны; дробныя грыбы ці шампіньёны можна пакласці цэлымі капялюшыкамі, а буйныя варта разрэзаць на лустачкі. Гатовыя катлеты перакласці ў іншы посуд, булён працадзіць і, адлучыўшы баравікі ці шампіньёны, прыгатаваць на ім "Паравы соус". Пры падачы пакласці катлеты на талерку, побач рассыпістую рысавую кашу, клёцкі з мукі ці манных круп ці адвараную дамашнюю локшыну і пасыпаць цёртым сырам. На катлету пакласці грыбы і паліць соусам.