-гусак - 1 шт.
-соль - па густу
для фаршу:
-цяляціна (паляндвіца) - 400-600 г
-сала – 60 г
- цыбуля рэпчатая - 1 цыбуліна
-тлушч - 1 ст.л.
-булка - 50-100 г
-малако -1/2 шклянкі
-пячонка гусіная
-яйка - 2шт.
-маянэз - па густу
-арэх мушкатавы - па густу
-перац чорны молаты - па густу
-соль - па густу
Падрыхтаванага гусака старанна прамыць,
адрэзаць шыйку і кончыкі крылаў (у другім суставе).
Разрэзаць вострым тонкім нажом скуру на спіне (уздоўж ад шыі
да гузкі) і асцярожна адлучыць скуру з мясам ад костак.
Крылы выламаць пад скурай у плечавым суставе,
ножкі выламаць пад скурай у ляшкавым суставе.
Адлучаны ад мяса шкілет выняць.
Скуру з мясам, ножкамі
і крыламі пасаліць за 1-2 гадзіны да падрыхтоўкі.
Прыгатаваць фарш.
Для гэтага булку замачыць у малацэ, адціснуць.
Цыбулю ачысціць, дробна нарэзаць, падсмажыць на тлушчы.
Булку, цыбулю, пячонку, сала, цяляціну прапусціць 2 разы
праз мясасечку з рашоткай для паштэта, размяшаць з яйкамі,
заправіць соллю, перцам, мушкатавым арэхам, маянэзам.
Усё размяшаць і атрыманай масай нафаршаваць гусака.
Старанна зашыць, тушку сфармаваць,
звязаўшы шнурком крылы і ножкі.
Пакласці на бляху, паліць вытапленым шмальцам,
паставіць у гарачую духоўку.
Смажыць 1.5-2 гадзіны да гатовасці,
паліваючы тлушчам і апырскваючы вадой.
Гусака падрумяньваць павольна, каб скура не лопалася па швах.
Гатовага гусака выняць,
паскладаць на талерку, вострым нажом адрэзаць ножкі і крылы,
усяго гусака нарэзаць папярок лустачкамі таўшчынёй 2-2.5 см.
Паліць тлушчам, Рэштку тлушчу падаць у соусніку.
Страву ўпрыгожыць зелянінай пятрушкі.
Гарніраваць бульбай, салатай з чырвонакачаннай капусты,
салатай з квашанай капусты, садавінай з узвара ці брусніцай.
|