-гусак – 5 кг

-рыс - 1.5 шклянкі

-грыбы (сушоныя) - 12 шт.

-цыбуля рэпчатая (вялікая) - 3 шт.

-морква - 1 шт.

-маянэз - па густу

-соль - па густу

-заправы - па густу

-алей (для смажання).

Падрыхтаваную тушку гусака знадворку

і ўсярэдзіне нацерці соллю і заправамі.

Сушоныя грыбы замачыць на 4-5 гадзін у халоднай вадзе,

затым прамыць і адварваць да гатовасці.

Дастаць іх, а ў кіпячы грыбны булён засыпаць прамыты рыс

і варыць да гатовасці.

Цыбулю і моркву нарэзаць саломкай

і абсмажыць да залацістага колеру ў алеі.

Адвараныя грыбы прапусціць праз мясасечку,

злучыць з рассыпістым рысам, пасераванай цыбуляй і морквай,

пасаліць, паперчыць і добра перамяшаць.

Гэтай сумессю нафаршаваць тушку,

акуратна зашыць брушка і паскладаць на бляху.

Узяць 2-3 сталовых лыжкі маянэза і вышмараваць тушку.

Бляху паставіць у вытапленую рускую печ

на раўнамерна рассыпаныя вуглі.

За адсутнасцю рускай печы ў нашых кватэрах,

можна прыгатаваць гусака па гэтым рэцэпце ў звычайнай духоўцы.

Не забывайце паліваць гусака вытапіўшымся сокам!