-гусак сярэдніх памераў

-яблыкі (кіслыя) - 15 шт.

-мёд - 1 ст.л.

-разынкі - 4 ст.л.

-масліны - 8-10 шт.

-соль - па густу

-зеляніна - па густу

-пятрушка - па густу.

Вытрыбушыце і ачысціце гусака, знадворку і знутры натрыце соллю.

Ачысціце ад скуркі 6-7 яблыкаў, разрэжце на чвэртачкі

і выдаліце з іх асяродак.

Разынкі прамыйце і замачыце ў гарачай вадзе.

Калі яны злёгку набракнуць, выміце іх і перамяшайце з яблыкамі

і мёдам.

Гэтай сумессю нафаршуйце гусака, прарэз зашыйце ніткамі.

Тушку гусака пакладзіце на бляху спінкай уніз,

дадайце паўшклянкі вады і пастаўце ў моцна разагрэтую духоўку.

Калі гусак падрумяніцца, тушку перавярніце разрэзам уніз.

Калі і з гэтага боку тушка падрумяніцца, агонь зменшыце да слабога.

Праз кожныя 7-10 хвілін тушку палівайце тлушчам,

які вытапліваецца на бляху.

Праз 3 гадзіны смажання гусак гатовы.

Праверыць гатовасць можна,

пратыкнуўшы тушку тонкай драўлянай палачкай.

Калі яна ўваходзіць у мяса гусака без высілкаў, то страва гатова.

За некалькі хвілін да канчатка смажання тушку гусака абкладзіце

пакінутымі яблыкамі, паліце іх тлушчам і запячыце ў моцна нагрэтай

духоўцы да поўнага размякчэння, не дапушчаючы, каб яны парэпаліся.

Калі страва будзе гатова, выдаліце ніткі і выміце фарш.

Выкладзіце яго на талерку, зверху пакладзіце тушку гусака,

а вакол паскладайце запечаныя яблыкі.