-гусак - 1 тушка вагой да 4 кг

-шпік – 250 г

-карэнні - па густу

- цыбуля рэпчатая - 3-4 цыбуліны

-абразанні цяляціны – 400 г

-грыбы свежыя (баравікі, чырвонагаловікі, падбярозавікі) – 150 г

-віно - 1 шклянка

-каньяк - 1 чарка

-чорны перац гарошкам

-соль - па густу

-мука - па густу

Тушку гусака апрацаваць, добра прамыць, адсекчы ножкі і крыльцы,

пасаліць знадворку і знутры

і вытрымаць на працягу 24 гадзін пры тэмпературы каля 10 С.

У брушка гусака пакласці нарэзаныя грыбы і зашыць ніткай.

У вялікую гусятніцу пакласці паслядоўна: нарэзаны саломкай шпік,

нарэзаную кольцамі цыбулю, абразанні цяляціны і нарэзаныя карэнні.

Зверху змясціць гусака, яго ножкі і крыльцы.

Рондаль шчыльна зачыніць вечкам і паставіць на ўмераны агонь.

Калі сала пачне смажыцца, ўліваць па лыжцы каля 1 літра цёплай вады.

Затым дадаць чорны перац і віно,

Праз 1 гадзіну гусака перавярнуць і працягваць тушэнне яшчэ

1 гадзіну, зліць частку тлушчу і даліць трохі цёплай вады.

Гусака выняць, вызваліць ад ніткі і разрэзаць на порцыі.

Сок працадзіць, заправіць мукой і каньяком

і паставіць на слабы агонь яшчэ на 10 хвілін.

Пры падачы да стала кожную порцыю мяса гарніраваць

варанай кветкавай капустай, запраўленай маслам, салёнымі агуркамі.

Соус падаць асобна ў соусніку