-гусак (качка),

-зялёныя яблыкі (лепш антонаўка),

-3 апельсіна,

-сушоныя абрыкосы,

-чарнасліў,

-ядры грэцкіх арэхаў,

-цыбуліна.

Тушку птушкі старанна вымыць і абсушыць.

Усярэдзіне і знадворку пасаліць, паперчыць, пасыпаць салодкім

чырвоным перцам-папрыкай, усярэдзіне нацерці часныком.

Прыгатаваць начынне: вычышчанае і парэзанае на кавалачкі яблыка,

змяшаць з арэхамі, чарнаслівам, абрыкосамі, вычышчанымі і

разрэзанымі кавалачкамі апельсіна. Начынне пакласці ўнутр тушкі і

зашыць адтуліну тушкі ніткай ці закалоць драўлянымі палачкамі, каб

скура не разыходзілася і сок ад садавіны не выцякаў, а ўбіраўся ў

мяса. Зашытую тушку абшмараваць з усіх бакоў алеем, калі жадаеце,

каб скура была румянай і хрумсткай, а не "варанай", і пакласці ў

глыбокую бляху ці качачніцу. Побач пакласці цэлыя ці напалову

разрэзаныя яблыкі ў лупіне і вычышчаную і разрэзаную на чатыры

часткі цыбуліну. Зачыніць качачніцу вечкам ці бляху шчыльна фальгой і

паставіць прыкладна на тры гадзіны на сярэдні агонь у духоўку,

паліваць праз кожныя паўгадзіны выцякаючым з птушкі тлушчам.

Апошнія 15-20 хвілін зняць вечка, выліць пакінуты тлушч, паліць качку

сокам апельсіна і падрумяніць у духоўцы без вечка. Падаваць на

вялікай талерцы, пасыпаўшы зелянінай, абклаўшы тушыўшыміся

яблыкамі і кружочкамі свежага апельсіна.