-1 курыца,

-250 г сметанкавага масла,

-1 - 2 яйкі,

-25 г пшанічнага хлеба ці паніровачных сухароў,

-100 г тлушчу ці топленага масла,

-6 крутонаў,

-соль.

Для падрыхтоўкі крутонаў батон пшанічнага хлеба без скарыначкі нарэзаць лустачкамі з патаўшчэннем да аднаго боку, намачыць у сумесі малака і яйкаў і абсмажыць на масле з двух бакоў. Для падрыхтоўкі гэтай стравы з курыцы трэба: патрашоную і прамытую тушку маладой курыцы пакласці на спінку, разрэзаць у пахавінках скуру і адлучыць ад ножкі. З паляндвічнай часткі (грудзінкі) і крылаў зняць скуру, адсекчы ў сустава костачку крыльца і адлучыць правую і левую паляндвіцу разам з костачкай. Затым ачысціць паляндвіцу ад плёнак і сухажылляў, адлучыць маленькую паляндвіцу ад вялікай, выняць костачку-відэлец, зачысціць крыльную костачку, гэта значыць зрэзаць з яе мяса, сухажылле, і адсекчы патоўшчаную частку. Падрыхтаваную вялікую паляндвіцу адбіць, падрэзаць сухажылле. Маленькую паляндвіцу таксама адбіць і загарнуць у яе раскочанае ў халоднай вадзе сметанкавае масла. Пасля гэтага на край вялікай паляндвіцы пакласці маленькую паляндвіцу з маслам, пасыпаць соллю і пры дапамозе нажа загарнуць вялікай паляндвіцай злева направа, прыціскаючы паляндвіцу пры кожным заваротку да масла. Атрыманую фаршаваную катлету апрацаваць вільготнымі рукамі, памачыць у яечны льезон, запаніраваць у сухарах ці хлебнай дробцы, ізноў памачыць у льезон і запаніраваць. Катлеты смажыць у фрыцюры на працягу 3 -4 хвілін і давесці да гатовасці ў смажыльнай шафе на працягу 1 - 2 хвілін. Гатовую катлету пакласці у талерку на крутон з белага хлеба ці пластавага цеста. Катлеты па-кіеўску гарніраваць смажанай бульбай, нарэзанай саломкай, і зялёным гарошкам, разагрэтым ва ўласным соку і запраўленым сметанкавым маслам. Катлету па-кіеўску зверху паліць распушчаным сметанкавым маслам, а на костачку апрануць папільётку.