-600 г паляндвіцы трэскі,

-1 морква,

-1 цыбуліна,

-50 г кораня пятрушкі,

-50 г кораня салеры,

-лаўровы ліст,

-духмяны перац,

- соль - па густу,

-2 яйкі,

-зеляніна пятрушкі,

-2 ст. лыжкі сметанкавага масла.

Моркву, пятрушку, салеру, рэпчатую цыбулю ачысціць, нарэзаць,

скласці ў рондаль, заліць вадой, пасаліць, дадаць духмяны перац,

лаўровы ліст і адварыць. Падрыхтаваную трэску нарэзаць кавалкамі,

заліць гарачым адварам так, каб вадкасць толькі затуляла рыбу,

паставіць на агонь, хутка давесці да кіпення, зняць пену, паменшыць

нагрэў і варыць на слабым агні пры ледзь прыкметным кіпенні на

працягу 15-20 хвілін. Яйкі сварыць укрутую, астудзіць, ачысціць ад

шкарлупіны і здрабніць. Гатовую рыбу асцярожна, імкнучыся не

падушыць кавалкі, выкласці на талерку, пасыпаць здробненымі яйкамі

і зелянінай пятрушкі, паліць растопленым сметанкавым маслам. На

гарнір падатць адвараную бульбу.