(на 4 порцыі)

- трэска - 1,2-1,5 кг

- 1 шт. морквы,

-1 шт. цыбулі рэпчатай,

- 1 шт. пятрушкі (карняплод)

- бульба адвараная для гарніру - 500-600 г

- масла сметанкавае - 2-3 ст. л.

- хрэн цёрты - 200 г

- зеляніна,

- перац,

- соль,

- лаўровы ліст - па густу

Рыбу чысцяць ад лускі, выдаляюць галаву, плаўнікі, трыбушаць,

прамываюць і рэжуць на кавалкі, скуру ў 2-3 месцах надразаюць.

Кавалкі рыбы ўкладваюць у посуд скурай угару, заліваюць гарачай

вадой, дадаюць цыбулю, моркву, пятрушку, лаўровы ліст, перац, соль.

Як толькі вада закіпіць, выдаляюць пену і вараць рыбу пры слабым

кіпенні 5-7 хвілін. Рыбу вымаюць з булёна, кладуць на талерку,

укладваюць адвараную бульбу і зеляніну, паліваюць растопленым

маслам. Асобна падаюць цёрты хрэн. Можна ўпрыгожыць страву

крэветкамі, адваранымі ракамі.