(на 4 порцыі)

- 800 г паляндвіцы трэскі

- 4 тыгровыя крэветкі

- 600 г замарожанага гарошку

- 4 высушаных на сонцы памідора

- 4 памідора чэры

- 2 ст. л. аліўкавага алею

- пёры зялёнай цыбулі

- 0,5 цытрыны

- соль,

- чорны молаты перац

для соусу:

- 100 г цыбулі-шалот

- 2 зубчыка часныку

- невялікі кавалачак імбіра

- 100 мл белага сухога віна

- 100 мл рыбнага булёна

- 100 мл слівак 30%

- 4 высушаных на сонцы памідора

- 1 ст. л. аліўкавага алею

Спачатку прыгатаваць соус. Шалот, часнык і імбір ачысціць, дробна

нарэзаць, абсмажыць на аліўкавым алеі. Дадаць белае віно, выпарыць.

Дадаць рыбны булён, выпарыць. Уліць сліўкі, памешваючы, давесці да

загусцення. Сушоныя памідоры нарэзаць і таксама дадаць у соус.

Памешваючы, рыхтаваць яшчэ 3 хвіліны. Зняць з агню, прапусціць

праз блендэр. Гарошак адварыць да гатовасці, змясціць у блендэр,

прыгатаваць пюрэ і апырскаць яго сокам цытрыны. Крэветкі адварыць

да гатовасці, ачысціць. Паляндвіцу трэскі пасаліць, паперчыць. На

разагрэтую патэльню ўліць аліўкавы алей, трэску абсмажваць 10

хвілін. На талерку выкласці пюрэ з гарошку, зверху трэску і на яе -

крэветку. Упрыгожыць страву сушоным памідорам, пёрамі цыбулі і

памідорам чэры, вакол паліць соусам.