- 800 г рыбы

- 4 цыбуліны

- 4 буйныя морквы

- 150 г таматавай пасты

- 240 г сланечнікавага алею

- 6-7 лаўровага ліста

- 10-15 гарошын перцу

- 3 ст. лыжкі сечанага кропу

- 3 ст. л. сечанай зеляніны пятрушкі

- 1/2 галоўкі часныку

- 1 ст. л. цукру

- соль - па густу

Рыбу ачысціць ад костак, нарэзаць на порцыі. Цыбулю і моркву

дробна пасекчы, перамяшаць. На дно рондаля пакласці кавалачкі

рыбы, на іх - цыбулю з морквай і 2-3 лаўровых ліста, затым ізноў

пакласці кавалачкі рыбы, а на іх - цыбулю з морквай і лаўровы ліст.

Такім чынам паскладаць усю рыбу. Кожны пласт гародніны пасыпаць

цукровым пяском, перцам і соллю. Заліць усё маслам і таматам,

разведзеным да кансістэнцыі вадкай смятаны. Накрыць вечкам і

давесці да кіпення. Затым зняць вечка і тушыць рыбу на невялікім

агні. Калі сок у рондалі пачне выкіпаць, трэба сачыць за тым, каб

рыба не падгарэла. Лепш за ўсё зменшыць агонь і пакласці пад

рондаль падстаўку. Калі ўвесь сок выкіпіць і застанецца адно

чырвонае масла, асцярожна выкласці рыбу ў глыбокую талерку,

заліць соусам з карэннямі, перамяшанымі з расцёртым часныком і

сечанай зелянінай. Падаваць рыбу гарачай. Гарнір - рассыпісты рыс.