(на 4 порцыі)

- 700 г паляндвіцы трэскі

-1 корань фенхеля

- 2 чырвоныя цыбуліны

- 2 зубчыка часныку

- 1 цытрына

- 1/2 г. л. насення каляндры

- 1/2 г. л. зерняў белага перцу

- 1-2 зерня духмянага перцу

- 1 струк сушонага перцу чылі

- 2 лаўровых ліста

- 1/4 л сухога белага віна

- сок 1 цытрыны

- 8 ст. л. аліўкавага алею

- соль

- свежазмелены белы перац

- жменька мукі

- алей - 1 г. л. мёда

- 1 поўная жменя лісточкаў каляндры

- 1 невялікі свежы агурок

- 1/4 качана салаты радзічыё

Філе трэскі вымыць халоднай вадой, абсушыць і нарэзаць лустачкамі

шырынёй 2 см. Пачысціць фенхель, ачысціць цыбулю і часнык.

Нарэзаць фенхель і цыбулю тонкімі лустачкамі, а часнык - саломкай.

Вымыць гарачай вадой цытрыну, абсушыць яе, нарэзаць спачатку

кружкамі, затым кожны кружок разрэзаць напалову. Усе падрыхтаваныя

прадукты пакласці ў міску. Растаўчы ў ступцы насенне каляндры,

зерне белага і духмянага перцу, змяшаць з лаўровым лістом, віном,

цытрынавым сокам і аліўкавым алеем. Атрыманым марынадам заліць

рыбу і гародніну. Накрыць вечкам і пакінуць на 2-3 гадзіны (час ад

часу асцярожна змешваць). Выняць і старанна абсушыць рыбу.

Выняць таксама лустачкі цытрыны і лаўровы ліст і часова адкласці.

Адкінуць на сіта гародніну, вадкасць сабраць. Рыбу з усіх бакоў

злёгку пасаліць, паперчыць і пасыпаць мукой. Разагрэць на патэльні

трохі алею і за 2-3 хвіліны абсмажыць у ім з усіх бакоў рыбу.

Лустачкі выняць і пакласці ў неглыбокую міску. На тым жа тлушчы

злёгку абсмажыць гародніну, не даводзячы яе да поўнай гатовасці.

Уліўшы марынад, закіпяціць і варыць 2 хвіліны. Заправіць мёдам,

соллю і перцам. Рыбу заліць гарачым марынадам. Лісточкі каляндры

вымыць халоднай вадой, абсушыць і пакласці ў марынад. Даць

настою астыць. Перад падачай стравы на стол пачысціць радзічыё

і ачысціць агурок. І тое і іншае нарэзаць вельмі тонкімі палоскамі і

пасыпаць імі рыбу. Дадаць лустачкі цытрыны і лаўровае лісце.

Рыба падаецца ў марынадзе.