На 6 порцый:

-1 кг трэскі, пікшы ці сайды без галоў і вантроб,

-1,5 кг бульбы,

-180 г рэпчатай цыбулі,

-60 г сметанкавага масла ці маргарыну,

-1 лаўровы ліст,

-2 гарошыны духмянага перцу,

-30 г сухароў.

Для соусу:

-2,5-3 шклянкі булёна,

-30 г мукі,

-30 г сметанкавага масла,

-соль - па густу.

Трэску ачысціць ад лускі, зрэзаць паляндвіцу і з яе - рэберныя косткі.

Паляндвіцу прамыць і разрэзаць на кавалачкі. Абмытыя косці, плаўнікі

і хвост заліць халоднай вадой, дадаць да іх лаўровы ліст, духмяны

перац гарошкам і варыць 1-1,5 гадзіны. Бульбу адварыць у лупіне,

ачысціць, астудзіць і нарэзаць кружочкамі таўшчынёй 0,5 см,

рэпчатую цыбулю ачысціць, нарэзаць тонкімі лустачкамі і ў глыбокім

сатэйніку злёгку абсмажыць з маслам ці маргарынам. Затым цыбулю

сабраць горкай (каб з яе сцякло масла) і выняць з сатэйніка. Палову

бульбы паскладаць у вызваліўшыйся сатэйнік, на яе змясціць

кавалачкі трэскі (калі трэска не салёная, пасаліць яе), на іх - роўным

пластом абсмажаную цыбулю і затым - пакінутую бульбу. Усё заліць

белым соусам, прыгатаваным на рыбным булёне, пасыпаць

прасеянымі сухарамі, зверху пакласці маленькімі кавалачкамі трохі

сметанкавага масла, спецыі. Залітую соусам трэску паставіць у

духавую шафу і запякаць 35-45 хвілін. Гэтак жа можна прыгатаваць

пікшу, сайду, судака, марскога акуня, сіга, жэраха, муксуна, сома,

асятрыну, сяўругу, бялугу, сняткі, салаку, корушку.