(на 4 порцыі)

- 1 цыбуліна

- 1 зубчык часныку

- 250 г струкоў гарошку

- 2 струка чырвонага салодкага перцу

- 500 г трэскі

- 1-2 ст. л. цытрынавага соку

- соль

- молаты чорны перац

- 2 ст. л. сланечнікавага алею

- 50 мл белага віна

- 2 пакуначка рысу хуткай падрыхтоўкі (па 250 г)

- 1 дробка молатага шафрана

- 1/2 пучка пятрушкі

Рэпчатую цыбулю і часнык ачысціць і нарэзаць дробнымі кубікамі.

Гародніну вымыць. У струкоў гарошку зрэзаць кончыкі, салодкі

перац разрэзаць напалову, ачысціць і нарэзаць палоскамі. Рыбу

вымыць, абсушыць і разрэзаць на кавалачкі. Апырскаць

цытрынавым сокам, пасаліць і паперчыць. На патэльні разагрэць

алей і 4 хвіліны смажыць у ім рыбу, затым выкласці і адставіць

у бок. У пакінуты тлушч пакласці гародніну і злёгку патушыць.

Уліць віно, накрыць вечкам і тушыць 5 хвілін. У апошнія 2 хвіліны

дадаць рыс і разагрэць. Пасаліць, паперчыць і заправіць шафранам.

Пятрушку вымыць і пасекчы. Рыбу выкласці на шафранавы рыс,

злёгку разагрэць і, пасыпаўшы пятрушкай, падаць на стол

прама ў патэльні.