Лічыцца, што спрадвечна бліны рабіліся з грачанай мукі -

бліны на пшанічнай муце не атрымліваюцца такімі пухлымі.

Акрамя таго, бліны з грэчкі валодаюць вельмі прыемным густам

з лёгкай кіслінкай.

Таму, калі вы жадаеце атрымаць румяныя, наздраватыя бліны

з мільёнам маленькіх дзірачак, назапасьцеся цярпеннем

і грачанай мукой, якую купіць не так проста.

Улічваючы, што грачаныя бліны па гусце моцна адрозніваюцца

ад звыклых нам пшанічных бліноў, прапаноўваю прамежкавы варыянт.

Нам запатрабуецца:

- 6 яйкаў

- 3 ст. л. цукру

- 2 шклянкі грачанай мукі

- 2 шклянкі пшанічнай мукі

- 6 шклянак малака

- 50 г сметанкавага масла

- пакаванне дрожджаў (30 г)

- 0,5 г. л. солі

Тры шклянкі цёплага малака выліць у вялікі эмаляваны рондаль,

развесці ў ім дрожджы, 1 лыжку цукру, пачакаць з'яўленні бурбалак.

Змешваючы драўлянай лыжкай, дадаць грачаную муку,

накрыць ручніком, паставіць у цёплае месца.

Праз нейкі час цеста паднімецца (каля 2-х гадзін).

Тады ўліць астатняе малако, пшанічную муку, добранька змяшаць

і зноў паставіць у цеплае месца.

Калі паднімецца другі раз, дадаць яечныя жаўткі, расцёртыя з цукрам,

маслам і соллю, змяшаць, дадаць узбітыя бялкі,

зноў добранька змяшаць і выпякаць на распаленай патэльні.

Гатовыя бліны складаць у стопачку,

змазваючы кожны сметанковым маслам.

Жадаю адзначыць, што ў гэтым выпадку бліны атрымліваюцца

сапраўды вельмі лёгкімі і літаральна растаюць у роце,

але і густ маюць не зусім звыклы.

Акрамя таго, грачаныя бліны атрымліваюцца не вельмі тонкія і лёгка

дзяруцца - майце гэта на ўвазе.

Але затое яны меней каларыйныя

і больш карысныя, чым пшанічныя.

Для выпечкі бліноў лепш за ўсё выкарыстоўваць адмысловую

бліновую патэльню з чыгуну.

Для змазкі патэльні зручна выкарыстоўваць палоўку бульбіны,

насаджанай на відэлец, макаючы яе ў сподак з раслінным алеем.