-2 1/2 шклянкі грачаных круп,

-1 шклянка вады,

-1 шклянка малака,

-1 ст. лыжка дрожджаў,

-1 гар. лыжка цукру,

-1 гар. лыжка солі

Грачаныя крупы перабраць, пасушыць 5-10 хвілін на блясе

ў смажыльнай шафе і вельмі дробна размалоць у муку,

скарыстаўшыся кавамолкай.

У рондаль усыпаць 1/2 шклянкі пшанічнай і 1 шклянку грачанай мукі,

заліць яе 2 шклянкамі гарачага малака і добра размяшаць.

Калі цеста астыне да пакаёвай тэмпературы, уліць у яго разведзеныя

ў невялікай колькасці малака, дрожджы, добра размяшаць

і пакінуць у цёплым месцы для закісання.

Зварыць на 1 шклянцы малака вадкую манную кашу,

пры гэтым сачыць, каб не было камякоў.

У цеста, якое падышло, дадаць расцёртыя з соллю і цукрам жаўткі,

манную кашу, пакінутую муку, карыцу і добра змяшаць.

Бялкі ўзбіць у пену і асцярожна ўвесці ў цеста,

даць цесту зноў падысці.

Пасля таго, як цеста зноў падыдзе, можна пачынаць выпякаць бліны.

Пры гэтым зачэрпваць цеста з рондаля трэба вельмі асцярожна,

каб не даць яму апасці.

Ад гэтага залежаць пухласць, рассыпістасць бліноў.

Бліны пякуць на маленькіх патэльнях (дыяметрам 15-18 см).

Перад тым як выліць цеста на распаленую патэльню,

яе змазваюць раслінным алеем.

У якасці квача можна выкарыстаць кавалак ваты, абгорнуты марляй.

Калі блін падсмажыцца, счырванее з аднаго боку (з ніжняга), а з

другога увесь пакрыецца дзірачкамі, яго варта перавярнуць лапаткай.

Гатовыя бліны ўкладваюць адзін на другі, змазваючы сметанкавым

маслам, і ставяць у цёплае месца, каб яны не астылі.

Падаюць бліны гарачымі са смятанай, алеем, мёдам, розным варэннем,

а таксама з ікрой, кетай, сёмгай, асетрынай, селядцом, маслінамі і інш.