Акуратна, каб не парвалася, зняць скуру з гусінай шыі.

Памыць пячонку птушкі, дробна нарэзаць, падсмажыць з цыбуляй на

шмальцы, дадаць вараную грэчку (1/2 шклянкі), тоўчаныя грэцкія арэхі

(1/4 шклянкі), здробненую зеляніну, соль, чорны перац, 1-2 сырых яйка, узбітых з мукой.

Усё добра змяшаць, дадаць топленае сметанкавае масла,

сечаны часнык.

Гэтай сумессю напоўніць шыйку, зашыць яе ніткамі

і варыць 20-25 хвілін у булёне, у якім варылася гусінае мяса.

Выняць з булёна, пасаліць, вышмараваць смятанай

і падсмажыць у духоўцы.

Фаршаваную шыйку падаваць у халодным выглядзе, нарэзаўшы

кавалачкамі, з агароднінным гарнірам або марынаванай садавінай.