Бліны смачныя, але трохі дзіўныя.

Цеста атрымліваецца не маналітнае, як у звычайных пшанічных блінах,

а друзлае, рассыпістае і трохі крупчастае.

Даволі моцна адчуваецца густ і водар грэчкі.

Я паспрабавала зрабіць бліны на адной толькі грачанай муце -

не атрымалася, бліны не проста дзёрліся,

а літаральна рассыпаліся ад найменшага дакранання.

РОШЧЫНА

-1 шклянка грачанай мукі,

-2 г. лыжкі цукру,

-3 шклянкі кіпеню,

-1 шклянка малака,

~15г свежых дрожжаў (брусок памерамі 4х3х3см)

або 30~40г свежых дрожжаў

(у залежнасці ад варыянту падрыхтоўкі цеста)

ЦЕСТА

-3 яйкі,

-5~8 ст. лыжак масла,

-1~1,5 шклянкі пшанічнай мукі,

-1/4 шклянкі цукру,

-1 г. лыжка солі

Грачаную муку і 2 г лыжкі цукру насыпаць у глыбокую міску і ўліць

3 шклянкі кіпеню, інтэнсіўна пры гэтым размешваючы.

Павінна атрымацца каша-размазня.

Калі падчас заварванняў атрымаліся камячкі, дбайна расцерці іх лыжкай.

Пакінуць астываць да цёплага.

Павольны варыянт падрыхтоўкі цеста.

У цёплую грачаную масу ўмяшаць 15г дрожжаў, уліць 1 шклянку малака

і паставіць у халадзільнік на ноч.

Раніцай міску з рошчынай паставіць у цёплую ваду

і падцяпліць цеста да цёплага.

Хуткі варыянт падрыхтоўкі цеста.

У цёплую грачаную масу ўмяшаць 30г дрожжаў, уліць 1 шклянку малака

і паставіць міску ў цёплую ваду на 1,5~2 гадзіны.

Калі бурленне пойдзе актыўна, то часу можа быць выдаткавана менш.

У другой місцы ўзбіць у пену яйка з 1/4 шклянкі цукру, соллю

і раслінным алеем або растопленым сметанкавым маслам.

(Для большай пышнасці бліноў можна ўзбіць асобна жаўткі з маслам

і соллю і бялкі з цукрам.)

У грачаную рошчыну ўліць яечную сумесь, размяшаць.

Усыпаць 1 шклянку пшанічнай мукі. Размяшаць.

Паступова дасыпаць гэтулькі мукі, каб атрымалася густое цеста.

Патэльню разагрэць, дно вышмараваць маслам.

Выкласці некалькі лыжак (2~3 драўляныя лыжкі) цеста

і размазаць яго ў невялікі (не меней 5мм вышынёй) круг.

(Грачаныя бліны традыцыйна робяцца невялікіх памераў -

велічынёй прыкладна з гарбатны сподак.)

Пякчы на сярэднім або на ледзь менш сярэднім агні.

Калі верхні бок падсохне прыкладна на 70~80%

і ўсе бурбалкі палопаюцца, блін перавярнуць на другі бок.

Калі ніз бліна падсмажыцца перш, чым падсохне верх, агонь зменшыць.

Выхад: 15 бліноў дыяметрам 14~15см і таўшчынёй 3~5мм.

Падаюць грачаныя бліны звычайна не з салодкімі,

а з салёнымі дадаткамі:

- з ікрой,

- з салёнай рыбай,

- са смятанай з соллю і дробна парэзанай зелянінай,

- са смятанай з соллю і дробна нацёртымі свежымі агуркамі,

- з аліўкамі,

- з хрэнам,

- з сырам,

- з салёнымі агуркамі,

- з зялёным гарошкам,

- з дробна парэзанымі і злёгку падсмажанымі сасіскамі,

- з смажанай цыбуляй,

- з салатай з варанага яйка і зялёнай цыбулі... і т.п.

Таксама да бліноў падаюць маленькі кубачак

з растопленым сметанкавым маслам