-ялавічына - 150 г

-грэчка - 1 /2 шкл.

-булён (мясны ) - 1,5 шкл.

-морква невялікая - 1 шт.

-зялёны гарошак (свежы ці замарожаны) - 50 г

-цыбуліна невялікая - 1 шт.

-соль - па густу

-лаўровы ліст

1. Перш за ўсё адварваем ялавічыну. Апускаем кавалачак мяса ў халодную ваду, чакаем калі закіпіць. Пажадана праварыць мяса некалькі хвілін і зліць першы булён, бо ў булён пераходзяць розныя шкодныя хімічныя рэчывы. Далей зноў заліваем кіпенем мяса і ўжо варым да гатовасці. За 20 хвілін да канчатку варкі солім, дадаем лаўровы ліст і цыбуліну.

2. Гатовае мяса прапускаем праз мясасечку і ўкладваем роўным пластом у невялікі, гліняны гаршочак. Далей ідзе пласт дробна нарэзанай морквы. Наступны пласт - зялёны гарошак. Зверху засыпаем прамытай грэчкай і заліваем булёнам. Гаршочак зачыняем вечкам і ставім у духоўку, рыхтуем пры тэмпературы 180 градусаў прыкладна гадзіну, гэта залежыць ад духоўкі. Калі вада выпарылася, выключаем духоўку і даём трохі пастаяць, а потым змешваем кампаненты.