-1 гусіная шыйка,

-0,5 шклянкі грэцкіх або ячных круп,

-1 гусіная пячонка,

-2 ст. лыжкі тлушчу,

-1 цыбуліна,

-1 корань пятрушкі,

- соль,

-перац,

-лаўровы ліст.

Шыйку абпаліць, ачысціць, прамыць.

Прыгатаваць рассыпістую грэцкую або ячную кашу,

перамяшаць яе з нашаткаванай падсмажанай цыбуляй

і кавалачкамі сырой пячонкі, соллю і перцам.

Атрыманым фаршам запоўніць шыйку, зашыць з абодвух бакоў.

Пакласці ў гаршчок або сатэйнік, дадаць дробна парэзаны корань

пятрушкі, лаўровы ліст, уліць трошкі вады і паставіць у духоўку.

Праз 15- 20 хвілін зменшыць агонь да 100°

і давесці шыйку да гатоўнасці. Яе паказчык - румяны колер шыйкі.